ՀՀ վարչապետ Նիկոլ Փաշինյանը Ֆեյսբուքի էջում հիշեցրել է իր հանձնարարականը ՀԷՑ-ի նկատմամբ հատուցման մեխանիզմներ ներդնելու վերաբերյալ:
«Ինչպես տեսնում եք նկարից՝ տվյալ հանձնարարականը տվել եմ 2025 թվականի մայիսի 20-ին։ Այդ հանձնարարականի մասին իմացել են, չէին կարող չիմանալ ՀԷՑ-ում և որոշել են «կանգնել եկեղեցու կողքին»,- գրել է Նիկոլ Փաշինյանը:
Հիշեցնենք՝ նա արել էր հետևյալ գրառումը.
«Հարգելի գործընկերներ, քիչ առաջ Հայաստանի պատմության թանգարանում էի, և էլեկտրականությունն անջատվեց։
Ասածս չափազանցություն չհամարեք․ վերջին շրջանում չի եղել մի որևէ այցելություն, որտեղ հոսանքը կա՛մ գնացած չլինի, կա՛մ ընթացքում չգնա։ Դպրոցներ, մանկապարտեզներ, մշակույթի տներ, հյուրանոցներ, ռեստորաններ։ Սեփական աչքով եմ տեսել։
Սա էներգետիկ ճգնաժամ է։ Ինձ հարկավոր չեն բացատրություններ, ինձ հարկավոր են պատժամիջոցներ կոնկրետ ՀԷՑ-ի նկատմամբ։
Ժողովրդին տված վնասը պետք է հատուցվի։ Ասեք՝ ինչպես։ Խնդրում եմ թեման չցրել։ Եթե ցրեցիք, գնալու ենք ՀԷՑ-ի ազգայնացման։ Ամբողջական և կտրուկ։
Ֆինանսական հատուցման մեխանիզմներ պետք է ներդրվեն։ Պարոն Խուդաթյան, կոնկրետ առաջարկներ տվեք։ Ժամկետը՝ 1 ամիս»։
