Ներկայացվել է նոր ձևավորվող Ներքին գործերի նախարարության կառուցվածքը

Աստղիկ Խաչատրյան 12.12.2022 - 19:20
12.12.2022 - 19:20 դիտում

ՀՀ ԱԺ պաշտպանության և անվտանգության հարցերի մշտական հանձնաժողովի ու պետական-իրավական մշտական հանձնաժողովի անդամների մասնակցությամբ տեղի է ունեցել փակ քննարկում Ներքին գործերի նախարարության ձևավորման կապակցությամբ:

Քննարկումը վարել են ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը և ՀՀ արդարադատության նախարարի պաշտոնակատար Գրիգոր Մինասյանը։

Քննարկմանը ներկա էին ԱԺ պատգամավորներ, Ոստիկանության և Արդարադատության նախարարության ղեկավար կազմերը:

Արդարադատության նախարարի պաշտոնակատար Գրիգոր Մինասյանը նշեց, որ առաջին ընթերցմամբ ընդունվել է 37 նախագիծ, բայց ապագայում ներկայացվելու են այլ նախագծեր ևս: Նա մանրամասն ներկայացրեց նոր ձևավորվող նախարարության կառուցվածքը:

Արդարադատության փոխնախարար Արփինե Սարգսյանն իր ելույթում ներկայացրեց ոստիկանությունում նախատեսվող հիմնական մասնագիտական կառուցվածքային ստորաբաժանումներ:

Միգրացիոն ծառայության պետ Արմեն Ղազարյանն իր ելույթում մանրամասն ներկայացրեց նորաստեղծ նախարարության մեջ ընդգրկված Միգրացիայի և քաղաքացիության ծառայության կառուցվածքը և գործունեությունը:

Քննարկմանը ներկա անդամները, լսելով ելույթները, հանդես եկան իրենց առաջարկություններով:

Այդ առաջարկությունները ընդգրկվեցին ի գիտություն հետագա ծրագրերի մեջ:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ