Մոսկվայի կենտրոնում գտնվող դամբարանից Վլադիմիր Լենինի մարմինը գողանալու փորձի համար հարբած տղամարդը ձերբակալվել է։ Այս մասին երկուշաբթի ՏԱՍՍ-ին հայտնել են իրավապահ մարմիններում։
«Միջադեպը տեղի է ունեցել փետրվարի 6-ի գիշերը։ Տղամարդը բերման է ենթարկվել, երբ նա փորձել է բացել դամբարան, որտեղ գտնվում է Վլադիմիր Լենինի մարմինը և առևանգել նրան։ Պարզվել է, որ ձերբակալվածը հարբած է եղել», – ասել է գործակալության աղբյուրը։
Նրա խոսքով՝ դեպքի վայր է հրավիրվել շտապօգնություն, բժիշկները պարզել են, որ ձերբակալվածը հարբածության ֆոնի վրա ունեցել է հոգեկան խանգարում։