Ռուս խաղաղապահներն ամեն ինչ անում են, որպեսզի Լեռնային Ղարաբաղում խաղաղություն պահպանվի, նրանց ջանքերի շնորհիվ ավելի քան 30 հազար բնակիչ արդեն վերադարձել է Ստեփանակերտ: Այս մասին կոնֆերանսի ժամանակ հայտարարել է Ռուսաստանի պաշտպանության նախարար, բանակի գեներալ Սերգեյ Շոյգուն:
«Հակամարտության գոտի ռուս խաղաղապահների ներգրավումը նպաստել է տարածաշրջանում իրավիճակի կայունացմանը։ Ստորագրված եռակողմ հրադադարի պայմանները հարգվում են: Ես կցանկանայի նշել, որ մեր զինծառայողները գործում են պրոֆեսիոնալ և ամեն ինչ անում են տարածաշրջանում խաղաղությունը պահպանելու համար», – ասել է նախարարը:
Նա նշել է, որ խաղաղապահների օգնությամբ զոհվածների դիերը շարունակում են փոխանակվել Հայաստանի ու Ադրբեջանի միջև:
«Ապահովված է ավելի քան 30 հազար փախստականի վերադարձը», – ավելացրել է Շոյգուն:
Ռուսաստանի զինված անձնակազմը տարածքը և հանրային ճանապարհները մաքրվում է նաև պայթյունավտանգ առարկաներից:
«Մաքրվել է 50 հա տարածք և ավելի քան 17 կիլոմետր ճանապարհահատված: Վնասազերծվել է ավելի քան հազար պայթյունավտանգ առարկա: Մաքրվել են Լաչինի միջանցքը և Ստեփանակերտ տանող ճանապարհի 28 կմ հատվածը: Դրա երկայնքով վերականգնվել է քաղաքացիական մեքենաների տեղաշարժը», – նշել է Պաշտպանության նախարարության ղեկավարը:
Նրա խոսքով՝ միջանցքի երկայնքով ռուս խաղաղապահները 3500 մեքենա են ուղեկցել: Բացի այդ, ավարտվել է Արևելյան ռազմական օկրուգի բժշկական ջոկատի՝ ժամանակակից սարքավորումներով և գործող ստորաբաժանումներով հագեցվածությունը, դրա մասնագետները սկսել են բժշկական օգնություն տրամադրել անձնակազմին և տեղի բնակչությանը:
«Փոխգործակցություն է հաստատվել Լեռնային Ղարաբաղի ղեկավարության, Կարմիր խաչի միջազգային կոմիտեի և ՄԱԿ-ի փախստականների հարցերով գերագույն հանձնակատարի գրասենյակի հետ», – ավելացրել է նախարարը:
