Մեծ Բրիտանիան նոր պատժամիջոցներ է սահմանել Ռուսաստանի նկատմամբ՝ Ուկրաինայի դեմ պատերազմի համար։ Սահմանափակումները վերաբերում են նաև Իրանին ու Բելառուսին։
Այս մասին Tert.am-ի փոխանցմամբ, հայտնում է РБК-Украина-ն՝ հղում անելով Միացյալ Թագավորության արտաքին գործերի նախարար Ջեյմս Քլիվերլիի հայտարարությանը։
Արտաքին գործերի նախարարը հայտարարել է 25 նոր պատժամիջոցների մասին, որոնք կիրառվում են Ռուսաստանի նախագահ Վլադիմիր Պուտինի՝ օտարերկրյա ռազմական տեխնիկայի հասանելիության դեմ։
Որոշ անհատներ ու ձեռնարկություններ, որոնք հայտնվել են պատժամիջոցների տակ, Ռուսաստանից դուրս են։
