Հոռոմի մշակույթի տանը տեղակայված 33/26 տեղամասում ժամը 13:20-ի դրությամբ 1493 ընտրելու իրավունք ունեցողներից ընտրության է եկել 251 քաղաքացի։ Հանձնաժողովի նախագահի խոսքով՝ դեռևս պասիվ ընտրություններ են ընթանում։ Մինչ նշված ժամը տեղամասում խախտումներ չեն գրանցվել։
Նկատեցինք տեղամասի դիմաց հավաքված բազմություն: Հանձնաժողովի նախագահից հետաքրքրվեցինք՝ արդյո՞ք սա կուտակում չի համարում, ինչին ի պատասխան՝ հանձնաժողովի նախագահը պարզաբանեց, որ բնակիչները գտնվում են տեղամասից 50 մետր հեռավորության վրա. դա գյուղամիջյան հավաքատեղի է, ինչպես ամեն օր, այսօր ևս գյուղացիները հավաքված են տարածքում: