Հնդկաստանի Հիմաչալ Պրադեշի նահանգում ուժգին ջրհեղեղներից և սողանքներից տասնյակ մարդիկ են զոհվել, 30 մարդ անհետ կորած է։
Այս մասին հայտնել է The Independent պարբերականը։
Անհետ կորածներին գտնելու նպատակով որոնողափրկարարական աշխատանքներ են տարվում անօդաչու թռչող սարքերի և տարբեր արձագանքման ուժերի անձնակազմի 250 անդամների մասնակցությամբ։
Հնդկաստանի օդերևութաբանական վարչությունը կանխատեսել է շարունակական տեղատարափ անձրևներ նահանգի մի քանի շրջաններում: Նահանգի առանձին վայրերում մինչև հուլիսի 10 հայտարարվել է հորդառատ անձրևների մասին դեղին մակարդակի նախազգուշացում:
Ամենաշատ տուժած շրջաններից մեկը Մանդին է, որտեղ նախորդ շաբաթ տեղի ունեցած 10 ամպրոպի հետևանքով մեկ օրում 14 մարդ է մահացել, գրանցվել են զանգվածային ավերածություններ։
Տարածաշրջանում տեղի ունեցած ջրհեղեղների, սողանքների և ամպրոպների հետևանքով հունիսի 20-ից ի վեր զոհվել է առնվազն 80 մարդ։