ԵԱՀԿ գործող նախագահ, Շվեդիայի արտաքին գործերի նախարար Անն Լինդեն մտահոգված է Հայաստանում տեղի ունեցող իրադարձություններով։ Լինդեն այս մասին գրել է «Թվիթեր»-ի իր էջում:
«Կոչ եմ անում բոլոր կողմերին գործողությունները ձեռնարկել խաղաղ ճանապարհով՝ ժողովրդավարական գործընթացների եւ իրավունքի գերակայության վերաբերյալ ԵԱՀԿ հանձնառություններին համապատասխան։ Իրավիճակը պետք է հանգուցալուծվի առանց բռնության»,- գրել է Լինդեն:
