«Ինժեներական քաղաքի» ծրագիրը մտել է ակտիվ փուլ, տեղեկացնում է ՀՀ փոխվարչապետ Տիգրան Ավինյանը։
«Այն Համաշխարհային բանկի հետ համագործակցությամբ իրականացվող «Առևտրի խթանում և որակի ենթակառուցվածքներ» ծրագրի շրջանակում ֆինանսավորվող նախագծերից է:
Հայաստանում ապագայի քաղաքի հատակագիծն արդեն հաստատվել է, շուտով կհայտարարվի նաև շինարարարական ընկերության մրցույթը և կսկսվի քաղաքի կառուցումը:
Բաղկացած է լինելու 22 ինժեներական ընկերությունների շինություններից, լաբորատորիայից, ավտոկայանատեղիից, այգուց և ինժեներական ենթակառույցներից:
Վերածվելու է ինժեներական մտքի ու նորարարությունների կենտրոնի:
Ապահովելու է քաղաքային կյանքի միանգամայն նոր միջավայր»,-նշել է Ավինյանը։
Ըստ Ավինյանի՝ ծրագիրը խոստանում է դառնալ պետություն-մասնավոր համագործակցության լավագույն օրինակներից մեկը, որտեղ համադրվում են ժամանակակից տեխնոլոգիաները, մեր գիտական միտքը և առողջ, ապահով ու բարեկեցիկ հանրային միջավայրը: