Վերջին շրջանում կլիմայի գլոբալ տաքացման հետևանքով մեծ արագությամբ հալվում են Արարատ լեռան սառույցներն ու ձյունը, ինչը լրջորեն անհանգստացրել է բնապահպաններին՝ գրում է Ermenihaber-ը։
Շոգ եղանակի պատճառով Թուրքիայում հալվում է անգամ Արարատ լեռան մշտական ձյունածածկ հատվածը, կեղտի և կեղտաջրի արտահոսքը շարժվում է դեպի Արարատի լանջերին գտնվող գյուղեր։
Ըստ թուրքական լրատվամիջոցների՝ տեղի ունեցածը կարող է լուրջ վնաս հասցնել Թուրքիայի տուրիզմին և հատկապես լեռնագնացությանը։
Արարատի մեծ և փոքր գագաթների բարձրությունը կազմում է 5165 մ և 3925 մ։
Նշենք, որ թուրքերը փոխել են Արարատ լեռան անունը և իրենց քարտեզներում ու տեղեկագրերում նշում են «Աղրը դաղ»:
