Ապրիլի 24-ին Հայ առաքելական բոլոր եկեղեցիներում մատուցվում է Սբ. պատարագ՝ ի հիշատակ 1.5 մլն անմեղ զոհերի: Առավոտյան Գյումրու Սուրբ Յոթվերք եկեղեցում եւս մատուցվեց պատարագ: 1915թ., ապրիլի 24… Հայ ժողովրդի կյանքի ամենաողբերգական էջը։ Թուրքական արյունոտ յաթաղանին զոհ գնաց ավելի քան 1.5մլն հայ։ Յուրաքանչյուր տարի այս օրը հայ ժողովուրդը կրկին հիշում եւ խնկարկում է անմեղ զոհերի հիշատակի հավերժության համար: Սերունդները երբեւէ չեն մոռանա եւ միշտ էլ կաղոթեն արդեն սրբացված նահատակների առաջ: