ՌԴ ԱԳ նախարար Սերգեյ Լավրովը Անկարայում Թուրքիայի ԱԳ նախարար Մևլութ Չավուշօղլուի հետ բանակցություններին հաջորդած մամուլի ասուլիսում անդրադարձել է Հարավային Կովկասում տիրող իրավիճակին:
Նա նշել է, որ Մոսկվան կողմ է տարածաշրջանային պետությունների միջև համագործակցության խորացմանը:
«Ողջունում ենք մեր աջակցությամբ մեկնարկած հայ-թուրքական հարաբերությունների կարգավորման, տարածաշրջանում տրանսպորտային և կոմունիկացիոն ուղիների ապաշրջափակման և, իհարկե, Հարավային Կովկասի հետկոնֆիլիկտային վերականգնման գործընթացները: Ինչպես գիտեք՝ այս բոլոր հարցերով եռակողմ պայմանավորվածություններ են ձեռք բերվել Հայաստանի, Ադրբեջանի և ՌԴ-ի ղեկավարների միջև: Այդ պայմանավորվածությունները շարունակում են մնալ աշխատանքի շարունակման հիմք: Լիահույս ենք, որ արտատարածաշրջանայաին գործընկերներից որոշները չեն խանգարի այս գործընթացներին, և կողմերին կմղեն դեպի այդ պայմանավորվածություններ կողմնորոշմանը»,- ասել է Լավրովը:
