Տնտեսական դինամիկայի առումով Եվրասիական տնտեսական միությունում ամեն ինչ առնվազն վատ չէ: Այս մասին ՌԴ նախագահ Վլադիմիր Պուտինի հետ հանդիպմանը հայտարարել է ՀՀ վարչապետ Նիկոլ Փաշինյանը:
«Տարածաշրջանային իմաստով, իհարկե, մենք բավական լարված իրավիճակ ունենք Լեռնային Ղարաբաղում` Լաչինի միջանցքում. այդ մասին այսօր մեկ անգամ չէ, որ խոսել ենք: Ցավոք, ի հակադրություն 2020 թ. նոյեմբերի 9-ի եռակողմ հայտարարության, Ադրբեջանն ապօրինաբար արգելափակել է Լաչինի միջանցքը, ինչի հետևանքով ԼՂ-ն հայտնվել է հումանիտար ճգնաժամի իրավիճակում: Դուք գիտեք, որ Ադրբեջանը նաև արգելափակել է բնական գազի և էլեկտրաէներգիայի մատակարարումը Լեռնային Ղարաբաղ, ինչն էլ ավելի է վատացնում հումանիտար իրավիճակը»,- ասել է նա:
Նիկոլ Փաշինյանը հայտնել է նաև, որ դժվարացել է սննդամթերքի և ապրանքների մատակարարումը ԼՂ. Փաշինյանը նշել է` թեպետ այս հարցում աջակցում են ռուս խաղաղապահները, սակայն ընդգծել` Լաչինի միջանցքի արգելափակումը տեղի է ունեցել ռուս խաղաղապահների ներկության պարագայում:
