Իսլամական հեղափոխության պահապանների կորպուսը Իսրայելի վրա հարձակման ժամանակ օգտագործել է իրանական «Խայբար» հրթիռը, ինչի հետևանքով Թել Ավիվի շրջանի Բաթ Յամ քաղաքում մի ողջ շրջան է ոչնչացվել։ Այս մասին հաղորդում է SHOT Telegram ալիքը։
«Իսրայելի վրա Իրանի հրթիռային հարձակման հետևանքով տուժել է ավելի քան 100 մարդ։ Քաղաքի մի ամբողջ թաղամաս ոչնչացել է»,- ասվում է հրապարակման մեջ։
SHOT-ի տվյալներով՝ «Խայբարը» բալիստիկ հրթիռ է, որը կարող է հաղթահարել մինչև երկու հազար կիլոմետր՝ կրելով մեկուկես տոննա պայթուցիկ նյութ։
Իսրայելական Ynet լրատվական պորտալը հայտնում է, որ Իսրայելի վրա Իրանի վերջին հարձակման հետևանքով առնվազն 125 մարդ տարբեր աստիճանի վնասվածքներ է ստացել, 35 մարդ անհետ կորած է համարվում, 3-ը սպանվել է: