Իսրայելը և Թուրքիան երկկողմ ավիացիոն համաձայնագիր են ստորագրել, որն իսրայելական ավիաընկերություններին թույլ կտա վերսկսել թռիչքները թուրքական օդանավակայաններ: Այս մասին հայտնել է Իսրայելի վարչապետ Յաիր Լապիդը։
«Երկու շաբաթ առաջ ես այցելել եմ Անկարա և հանդիպել Թուրքիայի արտգործնախարար Մևլութ Չավուշօղլուի հետ։ Մեր պայմանավորվածության շնորհիվ այսօր Իսրայելի և Թուրքիայի միջև ավիափոխադրումների մասին նոր համաձայնագիր է ստորագրվել»,- նշել է Լապիդը:
Նրա խոսքով՝ համաձայնագիրը կարևոր հանգրվան կդառնա երկու երկրների հարաբերությունների զարգացման գործում:
Իսրայելի և Թուրքիայի միջև նման փաստաթուղթ ստորագրվել է 1951 թ. ի վեր առաջին անգամ։
