Թուրքիայի նախագահ Էրդողանը Ադրբեջան կատարած այցի ժամանակ Ալիևի հետ քննարկել է Ադրբեջանի և Իրանի միջև լարվածությունը՝ հայտնում են ադրբեջանական լրատվամիջոցները։
Ադրբեջանից վերադառնալուց հետո պատասխանելով լրագրողների հարցերին՝ Էրդողանն ասել է, որ Ադրբեջանի նախագահը վճռական դիրքորոշում է ցուցաբերում և զիջումների չի գնում այդ հարցում։
Նրա խոսքով՝ Ալիևը հայտարարել է, որ Իսրայելի հետ հարաբերություններում փոփոխություններ չկան, այդ պետության հետ ունեն նույն կապերը, ինչ տարբեր երկրների հետ, և ապագայում էլ այդ հարաբերությունները կշարունակվեն։ Ըստ Էրդողանի՝ Ադրբեջանը կարող է իրականացնել ցանկացած առևտուր Իսրայելի հետ:
«Այս հարցում պետությունները չպետք է և չեն կարող ազդել միմյանց որոշումների վրա: Հուսով ենք, որ Իրանը խելամիտ կգործի։ Այդ դեպքում նա խնդիրներ չի ունենա Ադրբեջանի հետ»,- ասել է Թուրքիայի նախագահը:
