Կարևորագույն բարեփոխումներ են իրականացվում Հայաստանում: Այդ մասին ՀՀ վարչապետ Նիկոլ Փաշինյանի հետ համատեղ ասուլիսին ասաց Էստոնիայի վարչապետ Քրիստեն Միխալը:
«Դուք հստակ ընտրել եք մի ճանապարհ, որը նշանակում է ավելի սերտ հարաբերություններ ԵՄ-ի հետ: Էստոնիան ձեզ աջակցում է այս հարցում: Ես ձեզ խրախուսում եմ, որ բարեփոխումները շոշափելի օգուտներ կբերեն առաջին հերթին ձեր ժողովրդին: Սա է վկայում 20 տարի առաջվա մեր փորձը: Մենք ակտիվորեն աջակցել ենք դեպի Հայաստան ԵՄ աջակցության մեխանիզմների ընդլայնման, վիզաների ազատականացման երկխոսության մեկնարկին»,- նշեց Միխալը:
Նա նաև նշեց, որ Էստոնիան և Հայաստանը համագործակցում են կրթության ոլորտում, ուսուցիչների վերապատրաստման և կրթական նորարարությունների ուղղությամբ:
Վարչապետը նաև ընդգծեց, որ Էստոնիայի զարգացման համագործակցության կենտրոնը օգնում է նաև ՀՀ տնտեսության դիվերսիֆիկացմանը: «Մենք պատրաստ ենք կիսվել մեր բիզնես դիվանագիտության փորձով»,- նշեց նա: