Լիտվայում, Լատվիայում և Էստոնիայում Հայաստանի դեսպանությունից հայտնում են՝ դեսպան Հովհաննես Իգիթյանը և դեսպանության առաջին քարտուղար Արտակ Ղազարյանը մասնակցել են Լիտվայի Յոնիշկիս քաղաքի օրվա կապակցությամբ կազմակերպած փառատոնին։
«Տարբեր երկրներից բազմաթիվ հյուրերի մասնակցությունը փառատոնին իսկապես միջազգային բնույթ հաղորդեց։ Շնորհակալություն քաղաքապետ Վիտալիուս Գաիլիուսին, փոխքաղաքապետ Վայդա Ալեկնավիչիենեին, Յոնիշկիսի մունիցիպալիտետին, Լիտվայի Սեյմի պատգամավոր Լյուդաս Յոնաիտիսին հրավիրելու և հրաշալի Յոնիշկիսում միասին անցկացրած հոյակապ ժամանակի համար:
Յոնիշկիս շրջանի միավորված մունիցիպալիտետի օրինակը կարող է օգտակար լինել Հայաստանում իրականացվող՝ համայնքների խոշորացմանը ուղղված բարեփոխման համար»,- ասված է դեսպանության Ֆեյսբուքի գրառման մեջ:
