Գյումրու ավագանու ՔՊ խմբակցության անդամ Արման Բաղդասարյանին կփոխարինի ավագանու ՔՊ ընտրական ցուցակում հաջորդ համարը ներկայացնող Վահագն Մկրտչյանը. ավագանու արտահերթ նիստում հայտնեց Վարդգես Սամսոնյանը։ Նշենք, որ արտահերթ նիստի օրակարգում 9 հարց էր, այդ թվում` ավագանու նախկին որոշումներում փոփոխություն կատարելն ու ուժը կորցրած ճանաչելը, ամանորյա տոների առթիվ դրամական օգնություն հատկացնելը՝ պատերազմներում, խաղաղ պայմաններում զոհված, վիրավորում ստացած, անհետ կորած, գերեվարված զինծառայողների ընտանիքներին, որն ընդհանուր կազմում է 7․ 515․ 000 դրամ։ Օրակարգում էին եւ ավագանու կողմից հաստատվեցին նաեւ քաղաքի Ավստրիական եւ Անի թաղամասերի փողոցային լուսավորության ցանցի սպասարկումը «Գյումրու կոմունալ ծառայություն» ՀԲՀ-ին վերապահելը եւ Գյումրու 2023 թվականի տարեկան աշխատանքային պլանը ու 2023 թվականի բյուջեն հաստատելու մասին հարցերը։
