Դեռեւս ապրիլին Գյումրու համայնքապետարանում թեժ էին քննարկումները փողոցային առեւտուրը արգելելու ուղղությամբ: Նախատեսվում էր իրականացնել անցած տարվա դեկտեմբերին ընդունված որոշումը, ըստ որի՝ համայնքապետարանն արգելելու էր քաղաքի մի շարք հատվածներում իրականացվող բացօթյա առեւտուրը: Խնդիրը ոչ միայն քաղաքի՝ հատկապես կենտրոնական հատվածի տեսքի խաթարման հետ էր կապված, այլ նաեւ այն առեւտրի համար զբաղեցված փողոցներում ու մայթերում խոչնդոտում է քաղաքացիների ու ավտոմեքենաների տեղաշարժը: