«Հայրենիք» կուսակցության նախագահ Արթուր Վանեցյանը ֆեյսբուքյան իր էջում Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանի հետ լուսանկար է հրապարակել, որից պարզ է դառնում, որ բարձրաստիճան հոգևորականն այսօր ընդունել է քաղաքական գործչին:
Հիշեցնենք, որ այսօր Գերաշնորհ Տ. Միքայել արքեպիսկոպոս Աջապահյանը հրաժարվել էր Գյումրիում ՀՀ վարչապետ Նիկոլ Փաշինյանի ներկայությամբ հոգեհանգստի կարգ մատուցել Սպիտակի երկրաշարժի զոհերի հիշատակին նվիրված արարողությանը:
Հոգևորականն իր այդ որոշումը բացատրել էր հետևյալ կերպ.
«Նա իմ վարչապետը չէ, որ ես նրա առաջ հոգեհանգստի կարգ մատուցեի: Իր ներկայությունն ինձ համար ցանկալի չէ, տհաճ է: Ես չեմ ուզել իր ներկայությամբ հոգեհանգստյան կարգ կատարել, և դա ցանկացած հոգևորականի իրավունքն է»: