Ամերիկյան վարչակազմը կարծում է, որ Ադրբեջանի և Հայաստանի միջև խաղաղ համաձայնության գալը ներկայումս կախված է Բաքվից։ Այս մասին հայտարարել է պետքարտուղարի Եվրոպայի եւ Եվրասիայի հարցերով օգնական Ջեյմս Օ՛Բրայենը, փոխանցում է ՏԱՍՍ-ը։
«Թվում է, թե նա պատրաստ է ռիսկի գնալ հանուն խաղաղության»,- ասել է ամերիկացի դիվանագետը Հայաստանի վարչապետ Նիկոլ Փաշինյանի մասին՝ ելույթ ունենալով ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում՝ Լեռնային Ղարաբաղում ստեղծված իրավիճակի վերաբերյալ լսումների ժամանակ։
«Իրական հարցն այն է, թե արդյո՞ք նախագահ Ալիևը պատրաստ է անել նույնը։ Նա ասել է, որ պատրաստ է», – հայտնել է ԱՄՆ արտաքին քաղաքականության պաշտոնյան:
