Բրյուսելում կայացել է Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հանդիպումը: Ալիևն իր երախտագիտությունն է հայտնել Միշելին` հայ-ադրբեջանական հարաբերությունների կարգավորման հարցում ներդրվող ջանքերի համար: Նա նաև նշել է, որ «բրյուսելյան ձևաչափը» արդյունավետ է:
Միշելն ու Ալիևը մտքեր են փոխանակել հուլիսի 15-ին կայանալիք եռակողմ` Միշել – Փաշինյան – Ալիև հանդիպման, ինչպես նաև Հայաստանի ու Ադրբեջանի միջև խաղաղ բանակցությունների վերաբերյալ:
