ՀՀ Ազգային ժողովի «Իմ քայլը» խմբակցությունը հայտարարություն է տարածել՝ անթույլատրելի համարելով առանձին զինվորականների կողմից հնչեցված քաղաքական հայտարարությունը: «Իմ քայլը» խմբակցության գնահատմամբ՝ հայտարարությունը ռազմական հեղաշրջման փորձ էր։
«Այս հակասահմանադրական քայլը միտված է զավթելու ժողովրդի իշխանությունը և ցնցումների ենթարկելու պետությունն այս փխրուն հետպատերազմյան վիճակում, ինչը հղի է նաև արտաքին անվտանգային սպառնալիքներով։ Ցավալի է, որ երկրի անվտանգության համար պատասխանատու անձինք միտումնավոր դրսևորում են անպատասխանատու վարքագիծ։ «Իմ քայլը» խմբակցությունը միասնական է և վճռական՝ պահպանելու պետության կայունությունն ու ժողովրդի իշխանությունը և սատարում է վարչապետին։
Կոչ ենք անում մեր քաղաքացիներին մեզ հետ միասին գնալ Հանրապետության հրապարակ՝ խաղաղ, ոչ բռնի կերպով իրացնելու մեր սահմանադրական իրավունքը»,- նշված է խմբակցության հայտարարության մեջ։
