Աբդոլլահիանը հեռախոսազրույց է ունեցել Գուտերեշի հետ

3.12.2022 - 19:53 դիտում

Իրանի արտգործնախարար Հոսեյն Ամիր Աբդոլլահիանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ, մտքեր փոխանակել երկկողմ, տարածաշրջանային և միջազգային հետաքրքրություն ներկայացնող հարցերի շուրջ՝ փոխանցում է Parstoday-ը։

 

Աբդոլլահիանը ներկայացրել է Իսլամական Հանրապետության դիրքորոշումն Ուկրաինայի զարգացումների վերաբերյալ, նշել, որ դրանց պատճառը ՆԱՏՕ-ի ընդլայնման քաղաքականությունն է: Նրա խոսքով՝ Իրանի կողմից Ռուսաստանին զենքի մատակարարման մեղադրանքներն «անհիմն են և ուղղված են Ուկրաինային Արևմուտքի ռազմական օգնության լեգիտիմացմանը»:

 

ՄԱԿ-ի գլխավոր քարտուղարն իր հերթին ընդգծել է երկխոսության կարևորությւոնը, հույս հայտնել, որ Ուկրաինայում հակամարտությունը դադարեցնելու Թեհրանի ջանքերը կհանգեցնեն կրակի դադարեցման և խնդրի լուծման:

 

Գուտերեշը բարձր է գնահատել Իրանի դերը Եմենում քաղաքական ճգնաժամի լուծմանը նպաստելու գործում և ընդգծել, որ Թեհրանը պետք է շարունակի իր դերակատարումն ունենալ այդ ոլորտում:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ