Քննարկում «Արփի լիճ» ազգային պարկի գրավչությունը բարձրացնելու նպատակով. ՇՄՆ

ՇՄ նախարարությունից տեղեկացնում են՝ վարչապետ Նիկոլ Փաշինյանի մարզային վերջին այցելության ժամանակ տրված հանձնարարականների կատարման ուղղությամբ քայլեր են ձեռնարկվում: Շիրակի հյուսիսում զբոսաշրջությունը զարգացնելու և Արփի լճի գրավչությունը բարձրացնելու նպատակով՝ նախօրեին Շրջակա միջավայրի նախարարությունում Շիրակի մարզպետի աշխատակազմի պատասխանատուների, Էկոնոմիկայի նախարարության Զբոսաշրջության կոմիտեի ներկայացուցիչների և «Արփի լիճ» ազգային պարկի տնօրենի ժամանակավոր պաշտոնակատարի մասնակցությամբ տեղի է ունեցել քննարկում։