ՇՏՊՔ-ն նոր մասնաշենքով ու խաղահրապարակով

Շիրակի տարածաշրջանային պետական քոլեջի բակում շինարարական եռուզեռ է:Նոր ուսումնական տարվան ընդառաջ թեեւ ընթացող շինարարությունը փոքր-ինչ անհարմարություններ է ստեղծում, սակայն ստեղծված իրավիճակից ոչ ոք չի սրտնեղում:Ծրագրի նախապատմությունը դեռ 2014-15 թթ-ից է գալիս:Նախագիծ- նախահաշիվն հենց այդ ժամանակ է կազմվել, սակայն գործն այդպես էլ մնացել է փաստաթղթային տիրույթում:2019թ-ին կառավարության համապատասխան որոշմամբ, պետբյուջեից գումար հատկացվեց, որպեսզի քոլեջին կից կառուցվի արհեստագործական մասնաշենք, ինչպես նաեւ բարեկարգվի ու նորացվի խաղահրապարակը: