Հակակոռուպցիոն կոմիտեի նախագահի տեղակալ Մուշեղ Բաբայանն աշխատանքից ազատման դիմում է գրել

Աշխատանքից ազատման դիմում է գրել ՀՀ հակակոռուպցիոն կոմիտեի նախագահի տեղակալ Մուշեղ Բաբայանը։ Այս տեղեկությունը հաստատում են կառույցում Factor․am-ի աղբյուրները։ Թե ինչն է ազատման դիմում գրելու պատճառը, մեզ հայտնի չէ։ Բաբայանը 2022 թվականի հոկտեմբերին էր նշանակվել Հակակոռուպցիոն կոմիտեի նախագահի տեղակալ, երբ նախագահը դեռ Սասուն Խաչատրյանն էր։ 2024-ի նոյեմբերին, սակայն, Խաչատրյանը հրաժարականի դիմում ներկայացրեց, որից հետո՝ այս տարվա մարտի 20-ին, Հակակոռուպցիոն կոմիտեի նախագահ ընտրվեց Արթուր Նահապետյանը։ Փաստորեն, Բաբայանն ազատման դիմում է ներկայացրել ՀԿԿ նոր նախագահի պաշտոնավարման մեկնարկից մեկ ամիս չանցած։