Մադրիդում հաստատվել է կորոնավիրուսի նոր տեսակի չորս դեպք, որը վերջերս հայտնաբերվել էր Միացյալ Թագավորությում: Այս մասին հայտնում է AL Jazeera-ն:
Մամուլի ասուլիսում Մադրիդի տարածաշրջանային կառավարության առողջապահության ղեկավարի տեղակալ Անտոնիո Զապատերոն հայտնել է, որ բոլոր չորս դեպքերը կապված են այն մարդկանց հետ, ովքեր վերջերս են ժամանել Մեծ Բրիտանիայից:
«Պացիենտները լուրջ հիվանդ չեն, մենք գիտենք, որ այս շտամն ավելի փոխանցելի է, բայց ավելի լուրջ հիվանդություն չի առաջացնում: Տագնապի կարիք չկա», – ասել է նա: Երկրում ևս երեք կասկածելի դեպք կա, բայց թեստերի արդյունքները հասանելի կլինեն ավելի ուշ: