Audi-ն կրճատելու է 7500 աշխատակցի

Այսօր՝ մարտի 17-ին, Audi-ն հայտարարեց, որ մինչև 2029 թվականը կրճատելու է 7,5 հազար աշխատատեղ։ Ընկերությունը նշում է, որ սա թույլ կտա նրան միջնաժամկետ հեռանկարում խնայել մոտավորապես 1 միլիարդ եվրո տարեկան։ Կրճատումները կվերաբերեն վարչական ստորաբաժանումներին և զարգացման բաժիններին։ Audi-ում հայտնել են, որ կրճատումների ծրագիրը արդեն համաձայնեցված է աշխատողների շահերը ներկայացնող արտադրական խորհրդի հետ։ Մնացած աշխատակիցների համար աշխատանքային երաշխիքները կերկարացվեն մինչև 2033 թվականը։

Audi-ն դարձել է ևս մեկ ավտոարտադրող, որը կրճատում է աշխատատեղերը՝ պահանջարկի նվազման, ծախսերի աճի, չինական ընկերությունների հետ մրցակցության սրման և այլ դժվարությունների պայմաններում։ Ավելի վաղ Volkswagen-ն էլ էր հայտարարել 35 հազար աշխատատեղերի կրճատման մասին, սակայն հիմնականում՝ առանց ուղիղ ազատումների, այլ նոր աշխատակիցների աշխատանքի չընդունման հաշվին։ Porsche-ն նույնպես կրճատում է 3,9 հազար աշխատող։ Այսպիսով, VW խմբի (որի մաս է կազմում Audi-ն) ընդհանուր կրճատումների պլաններն արդեն հասել են 48 հազար աշխատատեղի։

Ի դեպ, 2019 թվականից ի վեր Audi-ն արդեն կրճատել է 9,5 հազար աշխատող, ընդ որում, այն ժամանակ դա վերաբերել էր արտադրական ստորաբաժանումներին, ոչ թե վարչական բաժիններին։

Related posts

Վանաձորում տեղի ունեցած պայթյունի հետևանքով տուժածներ կան. նրանք ռեանիմոբիլով տեղափոխվել են Երևան

Ինդոնեզիայում ուժգին երկրաշարժ է տեղի ունեցել

Նեթանյահուն հետաձգել է Ադրբեջան կատարելիք այցը