Ծննդյան տորթն արդեն 4-րդ տարին է՝ կտրվում է առանց Հրաչի: Օգոստոսի 19-ին 23 տարեկան կդառնար ազատանցի Հրաչ Մահտեսյանը: 2019 թվականի դեկտեմբերին էր անցել պարտադիր ժամկետային ծառայության, մայրը՝ Ալմաստ Հարությունյանը, նշում է՝ սպասում էր ծառայությանը: 2020 թվականի 44 օրյա պատերազմում Հրաչը կռվել է Ջրականում, պատերազմի թեժ օրերին ժամանակ է գտել հարազատներին զանգելու ու հավատացնելու, որ իր հետ ամեն բան կարգին է: Ազատանի զինվորական պանթեոնում խնկարկում ու հարգանքի տուրք են մատուցում հայրենիքի համար ընկած հերոսների շիրիմներին ոչ միայն հարազատները, այլ նաև Շիրակի մարզպետ Մուշեղ Մուրադյանը: