Ճապոնիայում ՀՀ դեսպան Արեգ Հովհաննիսյանը հանդիպել է Ճապոնիայում «ARARAT» հայկական կոնյակների պաշտոնական ներկրող «PromtecBIZ» ընկերության ղեկավար Յոկո Էնդոյի և Հայաստանի զբոսաշրջային ոլորտի նկատմամբ հետաքրքրություն ցուցաբերող «Japan-Russia Travel Service» զբոսաշրջային ընկերության ներկայացուցիչ Մանաբու Ֆուկուիի հետ:
Հանդիպմանը քննարկվել են Ճապոնիայում հայկական կոնյակների մասին տեղեկացվածության բարձրացման հարցը, այլ հայկական ալկոհոլային խմիչքների ներկրման հնարավորությունը, դեպի Հայաստան ճապոնացի զբոսաշրջիկների այցերի կազմակերպումը և այդ համատեքստում նաև ուսանողական և միջբուհական շփումների աշխուժացումը, համատեղ միջոցառումների անցկացումը և մի շարք այլ հարցեր