Փրկարարներն արգելափակումից դուրս են բերել 39 բեռնատար

Հունվարի 16-ին, ժամը 09։08-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բարձրավան գյուղի ավտոճանապարհին ավտոմեքենան արգելափակվել է ձնակույտում․ անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետից մեկ մարտական հաշվարկ։

Փրկարարները Բարձրավան գյուղի ավտոճանապարհին արգելափակումից դուրս են բերել մեկ մարդատար ավտոմեքենա (վարորդ և 4 ուղևոր), իսկ ժամը 09:55-ից մինչև 18:50-ն Աղվանի-Տաթև ավտոճանապարհին՝ «Ջիգլոսի աղբյուր» կոչվող տարածքի մոտակայքում, քարշակման եղանակով դուրս են բերել 39 բեռնատար։

Related posts

Վանաձորում տեղի ունեցած պայթյունի հետևանքով տուժածներ կան. նրանք ռեանիմոբիլով տեղափոխվել են Երևան

Ինդոնեզիայում ուժգին երկրաշարժ է տեղի ունեցել

Նեթանյահուն հետաձգել է Ադրբեջան կատարելիք այցը