Նախօրեին՝ օգոստոսյան խորհրդակցության ժամանակ, ՀՀ կրթության, գիտության, մշակույթի եւ սպորտի նախարարի տեղակալ Արաքսիա Սվաջյանն անդրադարձել է Շիրակի մարզում դպրոցների վերակազմակերպման գործընթացին վերաբերող դժգոհություններին։ Ըստ նրա, համապատասխան գործիքակազմի և հաղորդակցության միջոցով հնարավոր է լինում հաղթահարել առաջացած խնդիրները։ Միևնույն ժամանակ Արաքսիա Սվաջյանը հայտնել է, որ վերանորոգված դպրոցներում գույքի ապահովման գործընթացը գտնվում է ընթացքի մեջ՝ ըստ նախատեսված պլանի։