Արագած լեռան ձյունածածկ լանջը վերածվել էր մեծ ու տարաբնույթ միջոցառումների հավաքատեղի: Այստեղ անցկացվեց «Տուֆաշխարհի ձմեռ» մարզամշակութային միջոցառումը, որի կազմակերպիչներն էին Արթիկ խոշորացված համայնքի ղեկավար Անան Ոսկանյանն ու ողջ աշխատակազմը: Ծրագրի պատասխանատու, Արթիկի համայնքապետարանի կրթության, մշակույթի, սպորտի եւ երիտասարդության բաժնի պետ Գայանե Աղաքարյանը տեղեկացրեց, որ իրենց կողմից արվել է հնարավորը միջոցառումը տոնական ու անմոռանալի դարձնելու համար: