ԵՄ դիվանագիտության ղեկավար Կայա Կալասը տեղեկացրել է, որ կայացել է իր և Իրանի արտգործնախարար Աբբաս Արաղչիի հեռախոսազրույցը, որի ժամանակ քննարկվել են Պարսից ծոցում տիրող իրավիճակը, ինչպես նաև Ուկրաինայում պատերազմը, որը Մոսկվան վերջին օրերին ավելի է սրել։
Կալասը խոսել է Պարսից ծոցում ռազմական գործողությունների դադարեցման մասին. «Դա կարող է միջնորդներին ժամանակ տալ՝ դիվանագիտությանը վերադառնալու և լայնածավալ պատերազմի վերսկսումը կանխելու համար»։
Նա նաև հստակեցրել է ԵՄ բոլոր անդամ պետությունների դիրքորոշումը Թեհրանում ֆրանսիացի դիվանագետների հանդեպ ագրեսիայի նկատմամբ, նշել, որ այն անընդունելի են համարում:
Խոսելով ռուս-ուկրաինական հակամարտության մասին՝ Կալասը կոչ է արել Իրանին դադարեցնել Ռուսաստանին ցուցաբերվող ռազմական աջակցությունը։
«Մոսկվայի գործողությունները սպանում են ավելի ու ավելի շատ ուկրաինացի քաղաքացիական անձանց, և ցանկացած մատակարարում օգնում է նրան սպանելու ավելի շատ մարդկանց։ Ուկրաինան ունի ինքնապաշտպանության իրավունք»,- ընդգծել է Կայա Կալասը։