Վրաստանի Ներքին գործերի նախարարությունը հայտարարել է 626 կգ առգրավված թմրանյութի ոչնչացման մասին։
Հատուկ վառարանում այրվել են կոկաին, հերոին, մեթադոն և տասնյակ այլ արգելված ու հոգեմետ նյութեր։ Իրավապահների գնահատմամբ՝ դրանց արժեքը «սև շուկայում» կազմել է շուրջ 19 մլն լարի (մոտ 7 մլն դոլար)։
Գործողությունը իրականացվել է իրավական ընթացակարգերի պահպանմամբ՝ համապատասխան մարմինների վերահսկողությամբ։