Սերբիայի նախագահ Ալեքսանդր Վուչիչը հայտարարել է, որ չի կարողանա շրջել երկրով և արդարանալ քաղաքացիների առաջ, եթե պաշտոնապես կամ ոչ պաշտոնապես աջակցի Կոսովոյի անկախությանը:
«Ես Կոսովոյի անկախության տակ չեմ ստորագրի։ Չեմ ուզում գնալ Սերբիայով և արդարանալ, որովհետև ամեն ազնիվ մարդ գիտի և հավատում է, որ չենք ճանաչի Կոսովոյի անկախությունը՝ ո՛չ փաստական, ո՛չ իրավաբանական։ Բայց ցանկանո՞ւմ ենք, արդյոք, խաղաղություն ալբանացիների հետ, արժանապատիվ, լավ հարաբերություններ: Այո»,- հայտարարել է Վուչիչը:
Ավելի վաղ Կոսովոյի վարչապետ Ալբին Կուրտին պատրաստակամություն էր հայտնել մարտի 18-ին Սերբիայի նախագահ Ալեքսանդր Վուչիչի հետ կայանալիք հանդիպմանը հաստատել կարգավորման եվրոպաամերիկյան ծրագրի կատարումը: