Բնապահպանության և ընդերքի տեսչական մարմնի աշխատակիցները Լոռու մարզում «ԱՐԱՄ ՄԱԴՈՅԱՆ ԱՐԿԱԴԻԻ» ԱՁ-ին պատկանող քարի սղոցման, մշակման արտադրամասում իրականացրած ստուգման արդյունքում արձանագրել են ապօրինի ջրօգտագործման դեպք։ Այս մասին տեղեկացնում են ԲԸՏՄ-ից:
Տնտեսվարողը չունենալով ջրօգտագործման թույլտվություն՝ Վանաձոր-Շահումյան ավտոճանապարհի հարևանությամբ հոսող առվակից՝ խողովակաշարի միջոցով կատարել է ապօրինի ջրառ։
Տեսչական մարմնի Լոռու տարածքային բաժնի պետի որոշմամբ՝ ապօրինի ջրօգտագործումը կասեցվել է, խողովակաշարը կապարակնքվել։
Նշանակվել են վարչական տուգանքներ։