Սևանի տարածաշրջանում թույլ ձյուն է տեղում

Հունվարի 18-ին՝ ժամը 09։00-ի դրությամբ, Սևանի տարածաշրջանում թույլ ձյուն է տեղում։ «Ճանապարհային դեպարտամենտ» հիմնադրամից հայտնում են, որ Ծովագյուղից մինչև Դիլիջանի թունելի սկզբնամաս, Լծեն-Տաթև, Գորիսի, Գավառի տարածաշրջանի ավտոճանապարհներին տեղ-տեղ մերկասառույց է։

Վարդենյաց լեռնանցքը փակ է կցորդով տրանսպորտային միջոցների համար, իսկ մյուս տեսակի տրանսպորտային միջոցների համար՝ դժվարանցանելի։

Միջպետական և հանրապետական նշանակության բոլոր ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: