33,12,18 ամենաշատ հնչող տրանսպորտային համարներն են, որոնց գյումրեցիները երկար են սպասում ու դժգոհում քանակից, բայց փոխարենը 25 համարի երթուղային հին տրանսպորտային միջոցներն են այլեւս անցյալում, սուբվենցիոն ծրագրով ձեռք բերված 65-ից 13 նոր միկրոավտոբուսներն են փոխարինել դրանց: «Գյումրի» ՍՊԸ հրաժարվել է սպասարկումից եւ Գյումրու համայնքապետի որոշմամբ՝ նոր երթուղայինները վերջապես սկսում են սպասարկումը: Հաջորդիվ երթուղային ցանցը կսկսի նոր տրանսպորտներով հագենալ՝ ըստ հերթականության, երբ մասնավորը, ինչպես սպասվում է, կհրաժարվի սպասարկումից: Փակցված ցուցանակը հուշում է այն մասին, որ մինչեւ տարեվերջ 25-ը կդառնա 5-րդ երթուղային, այսինքն՝ 9 գործող երթուղային գծերից մի քանիսը կմիանան. կգործեն 7-ը եւ Գյումրին կունենա 1-ից 7-րդ համարի երթուղայիններ: