Ահաբեկիչները մտել են Հալեպի շատ շրջաններ՝ հայտնել է սիրիական բանակի հրամանատարությունը:
«Հյուսիսային սահմաններով ահաբեկիչների մեծ հոսքի և նրանց ռազմատեխնիկական ապահովման ուժեղացման արդյունքում ահաբեկչական խմբավորումները վերջին ժամերին մուտք են գործել Հալեպ քաղաքի շատ շրջաններ»,- ասված է հայտարարության մեջ:
Նշվում է, որ զինյալներն առայժմ չեն կարողանում ամրապնդվել այդ տարածքում, քանի որ Սիրիայի զինված ուժերը շարունակում են հարվածներ հասցնել նրանց:
Բանակում նաև հայտնել են, որ Հալեպում և Իդլիբում ահաբեկիչներին դիմադրելու ժամանակ տասնյակ զինծառայողներ են զոհվել: