Սաուդյան Արաբիան այսօր հյուրընկալում է Ծոցի արաբական պետությունների համագործակցության խորհրդի արտահերթ գագաթնաժողովը։ Սա Պարսից ծոցի ներկայացուցիչների առաջին հանդիպումն է՝ փետրվարի 28-ին Իրանի դեմ իսրայելա-ամերիկյան գործողությունների մեկնարկից ի վեր։
Խորհրդի կազմում են Սաուդյան Արաբիան, Քուվեյթը, Արաբական Միացյալ Էմիրությունները, Կատարը, Բահրեյնը և Օմանը։
Գագաթնաժողովի օրակարգում են Իսլամական Հանրապետության շուրջ զարգացումները, այդ ֆոնին ավելի լայն տարածաշրջանում իրավիճակը, անվտանգության և տնտեսության ոլորտներոմ առկա խնդիրները, ԱՄՆ-Իրան բանակցությունները և Հորմուզի նեղուցի հարցը։