Ռուսաստանը մոտ ապագայում արտերկրում երկու դեսպանություն և հինգ գլխավոր հյուպատոսություն կբացի։ Այդ մասին «Կոմսոմոլսկայա պրավդա»-ի հետ հարցազրույցում ասել է ՌԴ փոխարտգործնախարար Եվգենի Իվանովը։
«Բուրկինա Ֆասոյում և Հասարակածային Գվինեայում՝ դեսպանատներ, Կապանում (Հայաստան), Ակտաուում (Ղազախստան), Սամարղանդում (Ուզբեկստան), Դենպասարում (Ինդոնեզիա) և Մալեում (Մալդիվներ) գլխավոր հյուպատոսություններ բացելու մասին որոշումներն արդեն ընդունվել և համաձայնեցվել են ընդունող պետությունների իշխանությունների հետ»,- ասել է դիվանագետը։
ՌԴ ԱԳՆ ղեկավարի տեղակալը նշել է, որ Ռուսաստանի իշխանությունները կընդլայնեն իրենց դիվանագիտական ներկայությունը բարեկամ երկրներում և Ռուսաստանի համար առանցքային դարձած աշխարհագրական շրջաններում տեղակայված պետություններում։