Ռանչպար բնակավայր տանող կամրջի ժամանակավոր վերականգնման աշխատանքներն ավարտական փուլում են։ Կամրջի վնասված հատվածը վերականգնվում է մետաղյա կոնստրուկցիաներով մինչև կամրջի ամբողջական հիմնանորոգումը։ Այս մասին տեղեկացնում են Ճանապարհային դեպարտամենտից։
Ավարտական փուլում են նաև Հ-12, Մասիսի տրանսպորտային հանգույց-Մասիս-Ռանչպար-Արաքս-Ջրառատ-/Մ-3/ հանրապետական նշանակության ավտոճանապարհի կմ 9+500-կմ 22+850 հատվածի (այդ թվում՝ Ռանչպարի կամրջի) հիմնանորոգման նախագծանախահաշվային փաստաթղթերի կազմման աշխատանքները։