ԱՄՆ պետքարտուղարությունը նախազգուշացում է արել երկրի քաղաքացիներին՝ կոչ անելով անհապաղ լքել Մերձավոր Արևելքի մի շարք երկրներ ու տարածքներ։ Այս մասին հայտարարություն է տարածել ԱՄՆ պետքարտուղարի տեղակալ Մորա Նամդարը X-ում հրապարակված հաղորդագրության մեջ։«ԱՄՆ պետքարտուղարը կոչ է անում ամերիկացիներին անմիջապես լքել ստորև թվարկված երկրները կոմերցիոն տրանսպորտային միջոցներով՝ անվտանգության համար լուրջ ռիսկերի պատճառով», – ասվում է հաղորդագրության մեջ։Այդ ցուցակում են Բահրեյնը, Եգիպտոսը, Իրանը, Իրաքը, Իսրայելը, Հորդանան գետի Արևմտյան ափը և Գազայի հատվածը, Հորդանանը, Քուվեյթը, Լիբանանը, Օմանը, Կատարը, Սաուդյան Արաբիան, Սիրիան, Արաբական Միացյալ Էմիրությունները և Եմենը։ԱՄՆ-ն և Իսրայելը շաբաթ օրը՝ փետրվարի 28-ին, համատեղ ռազմական գործողություն են սկսել Իրանի դեմ։ Ի պատասխան՝ Իրանը գնդակոծությունների է ենթարկում Պարսից ծոցի մի քանի երկրում և Մերձավոր Արևելքում գտնվող ամերիկյան ռազմական օբյեկտները։Մերձավոր Արևելքում իրադրության սրումը լայնածավալ խափանումներ է առաջացրել ավիահաղորդակցության ոլորտում։ Հազարավոր չվերթեր չեղարկվել են, ինչն ազդել է հարյուր հազարավոր ուղևորների վրա։