Արդյոք «Պաշտպան հայրենյաց» ծրագրով պայմանագրային զինծառայողները հնարավորություն ունե՞ն ծառայությունն իրականացնել իրենց բնակավայրերին մոտ: Ազգային ժողովում պատգամավոր Լիլիթ Կիրակոսյանի հարցին պատասխանեց ՀՀ պաշտպանության նախարար Սուրեն Պապիկյանը:
«Այո՛, հնարավոր է ընտրել ծառայության վայրը, առավելությունը պետք է տրվի այն զինծառայողներին, ովքեր բնակվում են սահմանամերձ բնակավայրերում: Եթե զինծառայողի բնակության վայրում կա մարտական հերթապահություն իրականացնող զորամաս, նա կարող է զեկուցագիր գրել, և ղեկավարությունը կընդառաջի, նա իր հետագա ծառայությունը կիրականացնի իր բնակավայրին մոտ»,- ասաց նախարարը:
Պապիկյանն ավելացրեց, որ զինծառայողների ու նրանց ծնողների հետ աշխատանք է տարվելու՝ մեխանիզմն առավել պարզ մատուցելու համար: