Չինաստանն ու Ռուսաստանը մշտապես ամրապնդում են փոխադարձ վստահությունը և ավելի ու ավելի սերտորեն են համակարգում դիրքորոշումները միջազգային հարցերում՝ հայտարարել է ՉԺՀ արտգործնախարարությունը:
«Չինաստանն ու Ռուսաստանը մշտապես խորացնում են փոխադարձ վստահությունը, կայուն առաջ են մղում համագործակցությունը բոլոր ուղղություններով, միջազգային ասպարեզում ավելի ու ավելի սերտորեն համագործակցում են»,- նշել է Չինաստանի արտաքին գործերի փոխնախարար Մա Չժաոսյուն, որը ավելի վաղ հանդիպել էր Ռուսաստանի ԱԳ նախարար Սերգեյ Լավրովի հետ:
Դիվանագետի խոսքով՝ Պեկինը ձգտում է համագործակցել Մոսկվայի հետ՝ «երկու երկրների ղեկավարների ձեռք բերած կարևոր փոխըմբռնման համաձայն»:
«Չին-ռուսական համապարփակ ռազմավարական գործընկերային հարաբերությունները նոր դարաշրջանում մշտապես բարձր մակարդակի վրա են պահում զարգացման միտումը»,- ամփոփել է փոխնախարարը: