Ռուսաստանի դեմ կիրառվել է ավելի քան 30000 պատժամիջոց՝ կրկնակի շատ, քան բոլոր երկրների դեմ միասին վերցրած, հայտարարել է Ռուսաստանի նախագահ Վլադիմիր Պուտինը Հնդկաստանում՝ BRICS գագաթնաժողովում։
Պուտինը սակայն չի թերագնահատել պատժամիջոցների դերը, քանի որ դրանց պատճառով երկրի տնտեսությունում սկսվել են կառուցվածքային փոփոխություններ, որոնց շնորհիվ էլ, ըստ նրա, Ռուսաստանը դարձել է ավելի ուժեղ, ավելի դիմացկուն ու ավելի շարժունակ։
Ռուսաստանի առաջնորդը վստահեցրել է գագաթնաժողովի մասնակիցներին, որ վերջին երեք տարվա ընթացքում Ռուսաստանի տնտեսական զարգացման տեմպերը բարձր էին համաշխարհային միջինից։
Ավելին՝ նա այն համոզմունքն է հայտնել, որ պատժամիջոցներ նախաձեռնած երկրները հենց իրենք են բախվել դժվար և ծանր հետևանքների՝ բյուջեի պակասուրդի, պետական պարտքի աճի և արդյունաբերության անկման: