ՆԱՏՕ-ն աջակցում է Ուկրաինային, սակայն չի պատրաստվում դառնալ հակամարտության կողմ: Այս մասին հայտարարել է ՆԱՏՕ-ի գլխավոր քարտուղար Ենս Ստոլտենբերգը:
«Ցավոք, մենք պետք է պատրաստ լինենք Ուկրաինայում երկարատև պատերազմի, որը կարող է ձգվել ամիսներ և նույնիսկ տարիներ։ Երկարաժամկետ հեռանկարում Ուկրաինան չի կարող պաշտպանվել միայն Խորհրդային Միության ժամանակների զենքով և պետք է անցնի ժամանակակից արևմտյան զենքի: Անհրաժեշտ է ավելի շատ ծանր սպառազինություն: Արևմուտքը պետք է ակտիվացնի մատակարարումները»,- ասել է Ստոլտենբերգը:
Հյուսիսատլանտյան դաշինքի գլխավոր քարտուղարի խոսքով՝ պետք է խուսափել այլ երկրներում ռազմական գործողությունների տարածումից, այդ պատճառով էլ ՆԱՏՕ-ն զորքեր չի ուղարկում Ուկրաինա: